Vier Liebrecht Galery se tiende verjaarsdag

Tel jou sente. Olie op doek, deur Wendy Gaybba

Die Liebrecht Galery in Somerset-Wes sluit sy tiende verjaardagvieringe af met ’n uitstalling met die titel Dit is die maand Desember wat gepas op Vrydag 1 Desember open. Die titel is ’n terugverwysing na Leipoldt se bekende Dit is die maand Oktober, maar dis ook die eerste reë* van een van die sonnette wat die kurator die afgelope jaar geskryf het:

Dit is die maand Desember

Die blinkste, blinkste maand

Besteding slegs getemper

deur die waardelose rand

Dit is die maand Desember

Vir meeste bonustyd

Geen afswaai plaas ‘n demper

op jaareinde-jolyt

Die jaar se twaalfste maand

Dissipelskap trek rente

Apostels op die strand

ontvang nou dividende

Dit is die maand Desember –

Die maand * ét na November

Die deelnemende kunstenaars is Jaco Benade (Port Elizabeth), Janet Botes (Wildernis), Corlie de Kock (Knysna), Wendy Gaybba (Durbanville), Rachelle Hugo (Strand), Juria le Roux (Kuilsrivier), Adele Potgieter (Pretoria), Frieda van Zyl (Durbanville) en Ingrid Winterbach (Stellenbosch). Die uitstalling bestaan uit ongeveer 50 kunswerke, en duur tot einde Januarie 2018.

Kontak vir Avril Gardiner by 021 852 8030.