Adam Small-fees bring hulde aan welbekende digter

Die vyfde weergawe van die Adam Small-fees was verlede maand op Saterdag Februarie 26, in Pniël in die teetuin van die Pniël Museum gehou. Die fees, aangebied deur die Pniël Erfenis-en Kultuurtrust, met Professor Darryl David, as programleier, is bygewoon deur vele bekende, sowel as opkomende digters en skrywers. Die fees, word elke jaar tydens die laaste naweek van Februarie aangebied. Op die foto hierbo, spreek welbekende digter Dr. Diana Ferrus, wat die fees met 2 groepe van haar skryfskole bygewoon het, die gehoor toe.